მალე - ევროპული ახალგაზრდული ბარათი საქართველოში!

მალე 18-დან 30 წლამდე ახალგაზრდებისათვის ხელმისაწვდომი გახდება „ევროპული ახალგაზრდული ბარათი“  - ერთი ბარათი რომელიც ევროპის 40 ქვეყანაში 25,000-ზე მეტი ფასდაკლებასა და 9.3 მილიონ ახალგაზრდას აერთიანებს. 

 

პროგრამის მიზანია ახალგაზრდების ხელმისაწვდომობის ზრდა მობილობის, განთავსების, განათლების, სპორტის, კულტურის, გართობის სერვისებზე, ამისათვის ბარათი მის მფლობელებს სთავაზობს ათასობით ფასდაკლებას გართობის, განათლების, მოგზაურობის, სპორტისა და რეკრეაციის მრავალფეროვან სერვისებზე. 

 

ფასდაკლებების გარდა პროგრამა შექმნის საგანმანათლებლო, მოახლისეობრივ აქტივობებს ახალგაზრდებისათვის და გახსნის კარს მრავალ ევროპულ შესაძლებლობაზე, როგორიცაა ევროპული პროექტები, გათამაშებები, ონლაინ აქტივობები.

 

ევროპის ახალგაზრდული ბარათი პირველად 1986 წელს იქცა “ახალგაზრდებისთვის ახალი შესაძლებლობების გასაღებად“ და დღემდე რჩება ყველაზე მსხვილ პან-ევროპულ ინიციატივად. პროგრამა იმართება ევროპული ახალგაზრდული ბარათის ასოციაციის მიერ, რომელიც წარმოადგენს ბრუსელში დაფუძნებულ არაკომერციული საერთაშორისო ორგანიზაციას.  ასოციაცია მჭიდროდ თანამშრომლობს ევროკავშირთან და ევროპის საბჭოსთან. იგი ოპერირებს პარტნიორი ორგანიზაციების მეშვეობით, რომლებიც თავიანთ ტერიტორიაზე ხდებიან ბარათის გამცემი უწყებები.

 

საქართველოში ასოციაციის ექსკლუზიური პარტნიორს თბილისის მერია წარმოადგენს. სწორედ თბილისის მერიას აქვს ექსკლუზიური უფლება, მართოს ევროპული ახალგაზრდული ბარათის პროგრამა.

თბილისის მერიისა და “საქართველოს ბანკის” კოლაბორაციით პროგრამის ბენეფიციარები 2025 წლის შემოდგომიდან შეძლებენ, ევროპული ახალგაზრდული ბარათის ბენეფიტები თავიანთ მობილ ბანკშივე მიიღონ და ერთ ციფრულ ბარათში გააერთიანონ საბანკო სერვისები და ევროპული შესაძლებლობები.

 

ბარათის გაცემის დღიდან ქართველი ახალგაზრდები მიიღებენ იგივე ფასდაკლებებს, რასაც სხვა ქვეყნებში EYC ბარათის მომხმარებლები ფლობენ. 40 ქვეყანაში მოქმედი 25,000 ფასდაკლება მოცავს ისეთ საინტერესო სერვისებს, როგორიცაა მოგზაურობისთვის, ტრანსპორტირებისთვის საჭირო მომსახურებებს (flixbus, flixtrein, Iberia airways, Airalo) კვების ობიექტებს, მუსიკალურ ფესტივალებს, წიგნებისა და სხვადასხვა ნაწარმის მაღაზიებს, სასტუმროებს, გასართობ პარკებსა და სხვა.